Paltaryuyan Güclü Səs Edir — Uğultu, Cırıltı, Tıqqıltı Səbəbləri

Maşın əvvəllər sakit işləyirdi, indi isə qonşular şikayət edir. Tanış vəziyyətdir? Paltaryuyan maşınların çıxardığı hər səsin öz mənası var. Təcrübəli usta, maşını açmadan, sadəcə səsə qulaq asaraq problemin nə olduğunu 80% dəqiqliklə bilə bilər. Gəlin sizə də bu sirri öyrədək.

Uğultu səsi — podşipnik problemi

Əgər maşın yuyarkən və xüsusilə sıxma zamanı güclü uğultu və ya "vıyıltı" səsi verirsə, bu podşipniklərin aşınması deməkdir. İlk başda yalnız sıxma zamanı eşidilir, sonra isə normal yuma zamanı da başlayır. Bu problemi görməzlikdən gəlmək olmaz — podşipnik tamamilə dağılanda baraban çəlliyə sürtür və maşın istifadə olunmaz hala gəlir.

Podşipnik səsini yoxlamaq üçün: maşın boş ikən barabanı əllə fırladın. Əgər sürtünmə səsi, xışıltı və ya uğultu var — podşipniklər xarabdır.

Cırıltı, ciyiltə səsi — kəmər problemi

Yuma başlayanda qısa, ciyiltili səs eşidilirsə — bu kəmər (remen) sürüşür. Kəmər uzanıb və şkivdə tutuş itirib. Bəzən yalnız ağır yükdə, bəzən hər yumada olur. Kəmər dəyişdirilməlidir.

Tıqqıltı, taqqıltı səsi — yad cisim

Ritmik tıqqıltı səsi adətən baraban ilə çəlliyin arasına düşmüş yad cisim deməkdir. Sikkə, saç tokası, sütyenin metal çərçivəsi — bunlar ən çox düşən əşyalardır. Yad cismi çıxarmaq lazımdır, əks halda barabana və ya çəlliyə zədə verə bilər.

Vibrasiya və "gupgup" səsi — amortizator

Sıxma zamanı maşın o qədər titrəyir ki, yerindən oynayır və "gup-gup" səsi verir? Amortizatorlar köhnəlib. Köhnəlmiş amortizatorlarla işləməyə davam etmək əks-yük daşlarının qopmasına, şlanqların qırılmasına səbəb ola bilər.

Cingildəmə, zəng səsi — əks-yük daşları

Maşının barabanına beton balans daşları bərkidilir. Əgər bu daşların boltları boşalıbsa, cingildəmə və ya metalik zəng səsi eşidilir. Boltların sıxılması sadədir, amma daş özü çatlayıbsa dəyişdirilməlidir.

Nasos səsi — vızıltı

Boşaltma zamanı güclü vızıltı səsi eşidilirsə, pompa pərvanəsinə yad cisim ilişib. Filteri təmizləsəniz adətən keçir.

Hər hansı qeyri-adi səs eşitsəniz, tez müdaxilə edin. Kiçik problem böyük və bahalı təmirə çevrilə bilər. Paltaryuyan təmiri üçün 055 958 38 39 nömrəsinə zəng edin — pulsuz diaqnostika.