Paltaryuyan Su Qızdırmır — TEN, Datçik, Plata Problemləri

Paltarları 60 dərəcədə yudunuz amma çıxaranda soyuqdur, ləkələr getməyib. Bu, maşının suyu qızdırmadığı deməkdir. Bakıda su çox kireçlidir — bu, TEN-in (qızdırıcı elementin) ən böyük düşmənidir. Müştərilərimizin böyük hissəsi bu problemlə 3-5 il istifadədən sonra üzləşir.

TEN kireç bağlayıb və ya yanıb

TEN — maşının içindəki metal boru şəkilli qızdırıcı elementdir. Bakının kireçli suyu TEN-in üzərində qalın kireç qatı əmələ gətirir. Bu qat istiliyin suya ötürülməsinə mane olur. Nəticədə TEN həddindən artıq qızır və yanır.

TEN-in vəziyyətini yoxlamaq üçün multimetr lazımdır. Normal müqavimət 20-50 Ohm arasında olmalıdır. Sıfır və ya sonsuzluq göstərirsə — TEN dəyişdirilməlidir.

Profilaktika: Hər 2-3 ayda bir boş maşını 90 dərəcədə 2 fincan sirkə və ya xüsusi kireç təmizləyici ilə işlədin. Bu, TEN-in ömrünü 2-3 dəfə uzadır.

Temperatur datçiki (NTC) nasazdır

NTC datçik suyun temperaturunu ölçür və plataya bildirir. Datçik nasaz olanda plata yanlış temperatur alır — ya suyu ümumiyyətlə qızdırmır, ya da həddindən artıq qızdırır (bu daha təhlükəlidir). NTC datçik adətən TEN-in içinə yerləşdirilir, bəzi modellərdə ayrıca olur.

Elektron plata qızdırma əmri vermir

Əgər TEN və datçik sağlamdırsa amma su hələ də qızmırsa — plata problemidir. Platanın qızdırma idarəetmə hissəsi yanıb. Bu, adətən gərginlik dalğalanması nəticəsində olur.

Suyu qızdırmayan maşınla yumaq olarmı?

Texniki olaraq olar — soyuq su ilə yuma proqramları işləyir. Amma 40-60 dərəcəlik proqramlar ləkə çıxarmaq üçün lazımdır. Soyuq suyla yağlı ləkələr, bədən yağı çıxmır, bakteriyalar ölmür. Yəni maşın yuyur amma təmizləmir.

TEN dəyişdirilməsi 30-40 dəqiqəlik işdir və qiyməti münasibdir. Paltaryuyan təmiri üçün əlaqə: 055 958 38 39